Andaina Ourense capital termal de Galicia

A 8ª Andaina "Ourense Capital Termal", celebrarase o domingo 13 de marzo a partir das 9 horas, con saída e chegada nas Termas de Outariz. O percorrido será de 28 quilómetros e discorrerá pola beira dos ríos Miño e Loña, atravesando lugares emblemáticos da cidade como son o Castro de Santomé, o Camiño de Santiago (Vía da Prata) ao seu paso por Cudeiro e Sartédigos, e fundamentalmente pola zona termal do Río Miño, polas termas do Muíño e de Outariz, que lle dan nome á proba e proporcionan á Andaina un espírito de sosego e paz.